Fedeafes 25 años » Slider

Buru Osasuna Euskadik buru nahasmendua duten emakumeek jasaten dituzten diskriminazioak salatu ditu

fedeafes — Fri, 08 Mar 2024 09:29:15 +0000

Buru Osasuna Euskadik emakumeek jasaten dituzten diskriminazioak salatu ditu, eta buru nahasmendua dutenek bereziki pairatzen duten kaltea azpimarratu du

Buru Osasuna Euskadik, osasun mentaleko arazoak dituzten pertsonen eta senitartekoen euskal elkarteak biltzen dituen federazioak (Agifes, Asafes, Asasam eta Avifes) emakumeek jasaten dituzten diskriminazioak salatu ditu, eta buru nahasmendua dutenek bereziki pairatzen duten kaltea azpimarratu du. Euskal erakundeko presidente María Ángeles Arbaizagoitiak deitoratu du buru-nahasmendua duten emakumeek “askotariko diskriminazioa” jasaten dutela, eta beharrezkotzat jo du “genero-ikuspegi intersekzionala aplikatzea emakume bakoitzak jasaten dituen diskriminazioak aztertzeko”.

Albistea irakurri

Azterlanaren aurkezpena: Buru osasuneko arazoak dituzten pertsonen familiak EAEn

fedeafes — Fri, 03 Nov 2023 13:38:27 +0000

Osasun mentaleko arazoak dituzten pertsonen familiei baliabide gehiagorekin laguntzeko premia adierazi du Buru Osasuna Euskadik

• Euskal federazioak azterlan bat aurkeztu du EAEn buruko osasun arazoak dituzten pertsonen senideen egoeraz ohartarazteko. Txostenak zaintzarekin lotutako erantzukizunek pertsona horien bizi-kalitatean duten eragina jorratzen du, zehazki, familia- eta gizarte-harremanetan, aisialdian, osasun-egoeran eta egoera ekonomikoan.

• María Ángeles Arbaizagoitiak, Buru Osasuna Euskadiko presidenteak, familiei laguntzeko baliabideetan inbertsio handiagoa egitea eskatu du, haiek baitira “zaintza-lan gehienak eta etengabeko laguntza” beren gain hartzen dituztenak.

Informazio gehiago

Buru Osasunaren Nazioarteko Eguna 2023

fedeafes — Tue, 10 Oct 2023 15:05:21 +0000

Osasun mentaleko arazoak dituzten pertsonen eskubideak ez urratzeko neurriak eskatu ditu Buru Osasuna Euskadik

Euskal federazioak baliabideetan inbertsio handiagoa egitea eskatu du, kolektiboaren eskubideak bermatu ahal izateko arlo anitzetan, bizimodu independentearen sustapenean eta osasun-tratamenduetan kasu.
Estigma desagerraraztea eta haurren zein gazteen osasun mentala izan dira Buru Osasunaren Nazioarteko Egunaren ospakizunean bildutako euskal elkarteetako eta erakundeetako ordezkariek jorratutako puntu nagusietako bi.

Informazio gehiago

Espetxean edo erdi-askatasun erregimenean daudenei laguntzeko programa

fedeafes — Wed, 02 Aug 2023 07:23:44 +0000

Buru Osasuna Euskadi federazioaren proiektua da ‘Ateak Zabaldu’, eta helburutzat du espetxean edo erdi-askatasun erregimenean dauden eta osasun mentaleko arazoak dituzten pertsonei laguntzea.

Programa kontsultatu

Buru osasunari ematen zaion arreta hobetzeko proposamenak

fedeafes — Wed, 10 May 2023 13:14:18 +0000

Buru Osasuna Euskadiren proposamenak maiatzaren 28ko Hauteskundeei begira

2023ko maiatzaren 28an foru aldundietarako eta udaletarako hauteskundeak egingo ditugu Euskadin. Testuinguru horretan, buru nahasmendua duten pertsonei eta haien familiei buruz jarraian adierazten diren proposamenak egingo ditugu.

Gure elkarteak alderdi politiko guztien esku jartzen dira informazioa zabaltzeko edo behar dituzten gaiak argitzeko. Gipuzkoan, Agifes; Araban, Asafes, eta Laudion eta Aialako haranean, Asasam; eta Bizkaian, Avifes.

Dokumentua kontsultatu

Emakumeek jasaten dituzten diskriminazioak salatu nahi ditugu; buru nahasmendua dutenek bereziki pairatzen dituzte

fedeafes — Wed, 08 Mar 2023 13:16:49 +0000

Buru Osasuna Euskadik, osasun mentaleko arazoak dituzten pertsonen eta senitartekoen euskal elkarteak biltzen dituen federazioak (Agifes, Asafes, Asasam eta Avifes) emakumeek jasaten dituzten diskriminazioak salatu ditu, eta buru nahasmendua dutenek bereziki pairatzen duten kaltea azpimarratu du. Euskal erakundeko presidente María Ángeles Arbaizagoitiak deitoratu du buru-nahasmendua duten emakumeek “askotariko diskriminazioa” jasaten dutela, eta beharrezkotzat jo du “genero-ikuspegi intersekzionala izatea emakume bakoitzak jasaten dituen diskriminazioak aztertzeko”.

Albiste osoa irakurri

Buru Osasuna Euskadik genero-ikuspegidun esku-hartzea eskatzen die erakundeei indarkeria matxista detektatzeko

fedeafes — Sat, 26 Nov 2022 15:43:54 +0000

Emakumearen aurkako Indarkeria Desagerrarazteko Nazioarteko Egunaren harira, indarkeria matxistaren arretarako zerbitzu publikoek buru nahasmendua duten emakumeen berezitasunak aintzat hartzeko beharraz ohartarazi du Buru Osasuna Euskadik, Agifes, Asafes, Asasam eta Avifes elkarteak bateratzen dituen federazioak. Izan ere, emakume horiek bortizkeria matxista jasateko arrisku gehiago dute.

Gehiago irakurri

Buru Osasuna Euskadik ohartarazi du gora egin dutela euskal elkarteetan artatutako adingabeen eta gazteen kasuek

fedeafes — Mon, 10 Oct 2022 15:48:02 +0000

Euskal federazioak ohartarazi du, Buru Osasunaren Nazioarteko Egunaren harira, osasun mentala eta buru nahasmenduen prebentzioa sustatu behar direla haurren, nerabeen eta gazteen artean.
Era berean, euskal erakundeak adierazi du biztanleria-talde horrentzako baliabide nahikorik ez dagoela. Besteak beste, plaza kopuru nahikoa duten osasun-baliabide intentsiborik eza (etxez etxeko arreta edo eguneko ospitaleak lurralde guztietan), larrialdietako ohe kopuru murritza edo adingabe, gazte eta haien familiei laguntza psikologiko egokia emateko beharra azpimarratu ditu.

Albistea irakurri

Buru Osasuna Euskadik haur eta gazteen osasun mentalari buruzko azterlana aurkeztu du Eusko Legebiltzarrean

fedeafes — Fri, 13 May 2022 10:47:44 +0000

Euskal federazioak bitarteko baliabideak areagotzeko beharra planteatu du Eusko Legebiltzarrean, hala nola etxez etxeko arreta, eguneko ospitaleak eta tratamendu intentsibo espezializatuko programak, gazteen osasun mentaleko arazoak larriagotu ez daitezen eta ospitaleratzeak ekiditeko.

Albistea irakurri

Fedeafesek baliabide gehiago eskatu ditu buru nahasmendua duten emakumeek jasaten duten indarkeria matxista hautemateko

fedeafes — Thu, 25 Nov 2021 12:32:19 +0000

Fedeafesek baliabide gehiago eskatu ditu buru nahasmendua duten emakumeek jasaten duten indarkeria matxista hautemateko eta biktimei arreta egokia emateko

Buru osasuneko arazoa duten pertsona eta senide elkarteen Euskadiko federazioak zerbitzu publikoak emakume hauen behar zehatzetara egokitzeko eskatu du.
Fedeafesek burututako ikerketa baten arabera, buru osasuneko arazo larria duten emakumeen artean, bikote harremanean izan direnen %80k jasan du bikotekideak eragindako indarkeria.

Albistea irakurri

Fedeafesek laguntza espezifikoak eskatu ditu haur eta gazteei arreta emateko, buru osasuneko arazoen intzidentzia gero eta handiagoa delako

fedeafes — Mon, 18 Oct 2021 14:46:34 +0000

Urriaren 18an aurkeztu duen azterlanarekin batera, Fedeafesek jakinarazi du EAEko haur, nerabe eta gazteen buru osasuneko arazoak areagotzen ari direla. Euskal erakundeak, berau osatzen duten elkarteekin batera (Agifes, Asafes, Avifes eta Asasam) landutako txostenak egiaztatu du pandemiak buru nahasmenduak larriagotu egin dituela.

Hain zuzen ere, haur eta gazteen ospitaleratze-unitate batzuetan nerabeen ospitaleratze psikiatrikoak % 50 handitu dira 2020ko lehen bost hilabeteak 2019ko aldi berarekin alderatuz gero, ikerlanaren exekuzio teknikoaz arduratu den EDE Fundazioko Aymar Rubio ikerlariak adierazi duenez.

Albiste osoa irakurri

‘Ez dakit nola esan’ kanpaina abiarazi du Fedeafesek

fedeafes — Thu, 07 Oct 2021 10:01:07 +0000

OMEren arabera, buru gaixotasunen erdiak 14 urte bete aurretik hasten dira, baina kasu gehienak ez dira detektatzen, ezta tratatzen ere. Gainera, erakunde horrek adierazi duenez, suizidioa bigarren heriotza-kausa da 15 eta 19 urte bitartekoen artean, eta alkoholaren eta drogen abusua ere arazo larria da, jokabide arriskutsuak eragin baititzake. Arazo horiei elikadurarekin loturiko nahasmenduak ere gehitu behar zaizkie.

Horregatik, helduek, gurasoek edo hezitzaile diren pertsonek, berebiziko garrantzia dute nerabeen eta gazteen osasun mentaleko arazoak identifikatzerakoan. Garrantzitsua da pertsona horiekin komunikatzen eta lehen sintomak identifikatzen ikastea, lagundu ahal izateko.

Zalantzarik gabe, haiei entzuten eta ulertzen jakitea ezinbestekoa da; haiekin komunikazioa indartzea eta beldurrik gabe hitz egin ahal izateko konfiantza helaraztea oso lagungarria izango da osasun mentaleko arazoak prebenitzeko edota bideratzeko.

Kanpaina ikusi

Sareen Sarearen omenaldia Mª Ángeles Arbaizagoitiari

fedeafes — Wed, 12 May 2021 12:45:27 +0000

Fedeafeseko presidente Mari Ángeles Arbaizagoitiak Sareen Saria jaso du, urtez askoz buru osasunarekin erakutsi duen konpromisoagatik

Arbaizagoitiak 30 urte baino gehiagoko eskarmentua du boluntario gisa. “Bere ibilbide luze eta oparoan erantzun kolektiboak eraiki ditu osasun mentalaren esparruan, eta eredugarria da sektore osoan, bai Araban eta baita Euskadin ere”, azaldu du Sareen Sareko presidente Borja Dovalek.

“Familiak Administrazioaren aurretik joan gara, baliabiderik ez zegoenean laguntza eskainiz, eta beti boluntariotzatik. Erakunde publikoek eskaintzen ez zituzten baliabideak sortu genituen eta erantzukizun publikoko zerbitzuak dira egun”, adierazi du Fedeafeseko arduradunak.

Artikulu osoa irakurri

‘Emakumeak eta buru-osasuna pandemia garaian’ jardunaldia

fedeafes — Fri, 22 Jan 2021 13:48:12 +0000

Solasaldia berriro ikusteko aukera duzu hemen.

Fedeafesek ‘Ez ditzala inork zure lerro gorriak gurutzatu’ bideoa plazaratu du

fedeafes — Wed, 25 Nov 2020 10:35:57 +0000

Indarkeria matxistaren arretarako zerbitzu publikoek buru nahasmendua duten emakumeen berezitasunak aintzat hartzeko beharraz ohartarazi du Fedeafesek, buru osasun arazoa duten pertsona eta senide elkarteen Euskadiko federazioak.

Irakurtzen jarraitu

Pandemia garaian buru osasunaren aldeko inbertsioa indartzeko beharra helarazi dio Fedeafesek Eusko Jaurlaritzari

fedeafes — Wed, 21 Oct 2020 13:18:44 +0000

Fedeafeseko ordezkaritza bat Eusko Jaurlaritzako Osasuneko eta Gizarte Politiketako sailburuekin, Gotzone Sagarduirekin eta Beatriz Artolazabalekin, elkartu da gaur, urriak 21, osasun mentaleko arazoak dituzten pertsonen kolektiboaren beharrak helarazteko.

Irakurtzen jarraitu

‘Ondoan gaituzu. Urruntze sozialak ez zaitzala isolatu’ kanpaina abiarazi du Fedeafesek

fedeafes — Thu, 08 Oct 2020 09:15:30 +0000

Buru osasuneko arazoak dituzten pertsona eta senide elkarteen Euskadiko Federazioak ‘Ondoan gaituzu. Urruntze sozialak ez zaitzala isolatu’ sentsibilizazio-kanpaina jarri du abian, gaur egungo egoerak pertsonengan sor ditzakeen isolamendua eta ondorio psikologikoak saihesteko, hala nola antsietatea eta depresioa.

Urriaren 10ean ospatzen den Buru Osasunaren Nazioarteko Eguna dela eta, Fedeafesek bat egin du Estatuko buru osasunaren konfederazioaren aldarrikapenekin. Besteak beste, buru osasunean inbertitzeko premia helarazi nahi die erakunde publikoei, eta herritarren beharrei erantzuteko baliabide eta profesional kopuru nahikoa bermatzeko eskatu diete.

Irakurtzen jarraitu

Pandemia garaian suizidioa prebenitzeko esfortzu handiagoa eskatu die Fedeafesek erakundeei

fedeafes — Thu, 10 Sep 2020 15:28:32 +0000

Bi egunetik behin, pertsona batek bere buruaz beste egiten du Euskadin, eta COVID-19aren ondorioz heriotza-kopuruak gora egingo duenaren beldur da buruko osasun arazoa duten pertsona eta senide elkarteen euskal federazioa.

Albistea irakurri

Buru osasunarekin loturiko diagnostikoa duten emakumeek diskriminazioari aurre egiteko neurriak eskatu dituzte

fedeafes — Mon, 09 Mar 2020 09:21:13 +0000

Estatuko osasun mentaleko konfederazioaren baitan dagoen emakume sareak adierazpen dokumentua aurkeztu du kolektibo honen oinarrizko eskubideak defendatzeko, urratuak izan baitira eguneroko bizitzako arlo anitzetan. Emakume talde horren barne daude buru nahasmendua duten pertsona eta senide elkarteen Euskadiko federazioko (Fedeafes) hainbat ordezkari. Manifestuan jasotako salaketa eta aldarrikapenen artean daude: justizia eskuragarri izatea gizonezkoen baldintza beretan, baita indarkeria matxistarekiko babes eta harrera zerbitzuak eskuragai edukitzea ere. Hezkuntza ez sexista ere aldarrikatu dute, eta euren oinarrizko eskubideak errespeta daitezela eskatu dute.

Albiste osoa irakurri

Diru-Sarrerak Bermatzeko eta Inklusiorako legeak buru nahasmendua duten pertsonengan izango duen eragina azaldu dugu Legebiltzarrean

fedeafes — Fri, 22 Nov 2019 11:54:05 +0000

Eusko Legebiltzarrean, Enplegu, Gizarte Politika eta Gazteria Batzordean, izan da Fedeafes Diru-Sarrerak Bermatzeko eta Inklusiorako lege-proposamenari ekarpenak egiteko.

Albistea irakurri