Fedeafes 25 años » Dokumentzaioa

Buru osasuneko arazoak dituzten pertsonen familiak EAEn (Azterlan osoa eta laburpena)

fedeafes — Fri, 03 Nov 2023 09:00:47 +0000

‘Buru osasuneko arazoak dituzten pertsonen familiak EAEn’ azterlana, Buru Osasuna Euskadik egina, Agifes, Asafes, Avifes eta Asasam elkarteen laguntzarekin. Buru nahasmendua duen senidearen zaintza-lanek familiengan duten eragina aztertu du euskal federazioak hainbat arlotan: familia- eta gizarte-harremanak, aisialdia, osasun-egoera eta egoera ekonomikoa.

Era berean, ikerlanak hobekuntzak proposatzen ditu senideei arreta eraginkorra bermatzeko, haien ongizatea eta bizi-kalitatea hobetze aldera. Gainera, familien beharrei erantzuteko baliabideen mapa bat eskaintzen du, baita autonomia-, estatu- eta nazioarte- mailako jardunbide egokien eta ekimen azpimarragarrien katalogo bat ere.

Azterlana Eusko Jaurlaritzako Berdintasun, Justizia eta Gizarte Politiketako Sailak diruz lagundu du, eta EDE Fundazioaren laguntza teknikoarekin garatu da.

Laburpen dokumentua

Azterlan osoa

Ateak Zabaldu, espetxeratuta edo erdi-askatasun erregimenean dauden pertsonei laguntzeko programa

fedeafes — Wed, 02 Aug 2023 07:01:25 +0000

Buru Osasuna Euskadi federazioaren proiektua da ‘Ateak Zabaldu’, eta helburutzat du espetxean edo erdi-askatasun erregimenean dauden eta osasun mentaleko arazoak dituzten pertsonei laguntzea.

Ateak Zabaldu flyerra

2023ko maiatzaren 28ko Hauteskundeak – Buru osasunari ematen zaion arreta hobetzeko proposamenak

fedeafes — Wed, 10 May 2023 10:38:03 +0000

2023ko maiatzaren 28an foru aldundietarako eta udaletarako hauteskundeak egingo ditugu Euskadin. Testuinguru horretan, foru- eta udal-hauteskundeetan, buru nahasmendua duten pertsonei eta haien familiei buruz jarraian adierazten diren proposamenak egingo ditugu.

Dokumentu honetan berariaz aipatuko ditugu foru eta udal esparruetako eskumenekin zerikusia duten gaiak (gizarte-zerbitzuak, enplegua, etab.), horiek baitira 2023ko maiatzaren 28ko hauteskundeetarako aurkezten diren esparruak. Ez ditugu hemen eremu mugakide soziosanitarioak, sozioedukatiboak eta abar landuko, nahiz eta horietan ere zeregin asko dagoen.

Dokumentua kontsultatu

Buru Osasuna Euskadi federazioko elkarteak eta Garapen Jasangarriko Helburuak

fedeafes — Thu, 01 Dec 2022 08:27:38 +0000

2030 Agenda eta Garapen Jasangarrirako Helburuak (GJH) 2015ean onartu zituen Nazio Batuen Erakundeak, pertsona guztientzako mundu bidezkoagoa eta hobea egiteko xedearekin. Agendak eta GJHek pertsona, entitate eta erakunde guztioi eragiten digute.

Buru Osasuna Euskadi federazioa eta bere barne dauden elkarteak (Agifes, Asafes, Asasam eta Avifes) ez dira deialdi horretatik kanpo geratzen. Horregatik, dokumentu hau landu dugu, non garatutako hausnarketa-prozesuaren laburpen bat jasotzen dugun. Gure elkarteek modu naturalean gauzatzen dituzten 100 ekintza baino gehiago hauteman ditugu, horiekin GJHen garapenari laguntzen baitiogu Euskadin.

2030 Agendaren leloak berak, ‘Inor atzean ez utzi’, zerikusi handia du gure egunerokotasunarekin eta osasun mentaleko arazoak dituzten pertsonen eta haien familien inguruan egiten dugun lanarekin.

Dokumentua kontsultatu | Laburpen liburuxka kontsultatu | 5. GJH helburuaren triptikoa

Buru osasun arazoak EAEko haur, nerabe eta gazteen artean (Azterlana eta ondorioen txostena)

fedeafes — Mon, 18 Oct 2021 15:17:27 +0000

‘Buru osasun arazoak EAEko haur, nerabe eta gazteen artean’ ikerlana, FEDEAFESek, AGIFES, ASAFES, ASASAM eta AVIFES elkarteekin batera egindakoa.

Ikerlan honi esker, buru osasun arazoak dituzten haur, nerabe eta gazteen nahiz haien familien beharrizanetan murgildu ahal izan gara. Espero dugu biztanleria-talde horri zuzendutako baliabideetan hobekuntzak identifikatzeko balio izatea. Aldi berean, azterlan horren ondorio garrantzitsuenak jasotzen dituen txostena ere eskuragarri dago.

Ikerketa osoa kontsultatu

Ikerketaren ondorioak kontsultatu

Praktika egokiak buru osasun arazoak dituzten personen gizarteratzean eta laneratzean

fedeafes — Wed, 30 Dec 2020 12:52:01 +0000

Lana bizitzaren erdigunean dagoen funtsezko rola da pertsona guztientzat, horretara bideratzen dugun denborarengatik, behar ekonomiko eta psikosozialak asetzeagatik, eta bizitzako beste atalekin dituen loturengatik.

Buru osasun arazoak dituzten pertsonen kasuan, lan munduko atea irekita edukitzea oinarrizkoa dela esan daiteke errekuperazio psikosozialerako prozesuan. Hala eta guztiz ere, buru osasun arazoak dituzten pertsonek lanpostu bat lortzeko zailtasun handiak dituztela erakusten dute datuek.

Txosten hau hainbat testuingurutan martxan jarritako esperientzia arrakastatsuetan oinarrituta dagoela baliatuz, desgaitasun, eta, zehazki, buru osasun arazoak dituzten pertsonen laneratzean aritzen diren pertsona eta profesionalentzat tresna erabilgarri eta inspiratzaile izatea nahi dute.

Txostena deskargatu

Gaixotasun mentala duten pertsonak ahalduntzen, enplegu-sustapenaren bidez

fedeafes — Wed, 30 Dec 2020 12:11:13 +0000

Desgaitasuna duten pertsonek oztopo handiak gainditu behar izaten dituzte enplegu bat eskuratzeko. Azkeneko urteetan aurrerapenak egon diren arren laneratzearen aldeko ekinean, batez ere gizarte-ekonomiako erakundeen protagonismoarekin (elkarteak, federazioak, enplegu-zentro bereziak eta abar), kolektibo horrek jarduera-tasa apalak eta langabezia-tasa handia erakusten ditu
oraindik ere.

Hori hala den aldetik, kolektiboa laneratzeko orain arte egindako ahaleginarekin bat egitea da azterlan honen xedea. FEDEAFES Buru Gaixotasuna duten Pertsona eta Senide Elkarteen Euskadiko Federazioak eta hura osatzen duten erakundeek duten interesari erantzuten dio; hau da, gaixotasun mentalak dituzten pertsonak ahalduntzea, hobekuntzak eta berritasuna txertatuz enpleguaren alorreko programetan eta esku- hartze zerbitzuetan.

Txostena deskargatu

Euskadin buru gaixotasuna duten pertsonekin gizarte eta osasun esparruetan esku hartzeko eta lan koordinatua egiteko bide hoberenak

fedeafes — Tue, 12 Nov 2019 13:43:33 +0000

Buru osasun arazoa duten pertsona eta senide elkarteen Euskadiko federazioak, FEDEAFESek, eta parte-hartzen duten elkarteek (Agifes, Asafes eta Asasam) EDE Fundazioarekin batera landutako ikerketa hau Bioefek finantzatua dago. Lan hau gauzatzeko, osasun mentaleko diagnostikoa duten 200 pertsona inguruk eta Fedeafese sareko profesional ugarik parte hartu dute, baita hiru lurraldeetako osasun mentaleko sareetako, diputazioetako eta hirugarren sektoreko erakundeetako ordezkariak ere.

Ikerlanean, buru gaixotasuna duten pertsonen bizi-kalitateari buruzko interes handiko emaitzak ageri dira. Erabiltzaileak artatzen dituzten profesionalen ikuspuntu objektiboa eta erabiltzaileen ikuspuntu subjektiboa hartzen dira kontuan.

Azterlana deskargatu

Buru gaixotasuna duten pertsonen arreta bizi-kalitatearen ikuspegitik

fedeafes — Tue, 12 Nov 2019 13:28:44 +0000

Buruko osasun arazoa duten pertsona eta senide elkarteen Euskadiko federazioak, FEDEAFESek,
eta bere barne dauden Agifes, Asafes eta Asasam elkarteek, EDE Fundazioarekin batera, landutako ikerketa da hau.
Eusko Jaurlaritzako Enplegu eta Gizarte Politika sailak babestutako lan honetan, buru nahasmendu diagnostikoa duten
pertsonek ere parte hartu dute. Aldez aurretik ikuspuntu profesionaletik eginiko ‘Gizarte eta
osasunaren alorretako esku-hartze eta jarduketarako ibilbide optimoak, Euskadin buru
gaixotasuna duten pertsonei arreta emateko’ ikerlanaren osagarria da azterlan hau.
Txostenean, buru osasun arazoa duten pertsonek euren bizi-kalitatearen inguruan duten
iritziarekin osatzen da kolektiboaren diagnostikoa.

Txostena deskargatu

EAEko gizarte eta osasun baliabideen eskaintzaren analisia

fedeafes — Mon, 12 Aug 2019 12:16:33 +0000

EAEn buru nahasmendua duten pertsonen kolektiboari zuzendutako baliabide soziosanitarioen eskaintzari buruzko txostena. Azterlanak jasotako ondorioen artean, azpimarratzeko da beharrezkoa dela osasun arreta hobea eskaintzea haur eta nerabeei, emakumeei, diagnostikorik gabeko pertsonei eta landa-inguruneetan bizi direnei, baita buru gaixotasuna duten pertsonen zahartzeari erantzuna eman eta kolektiboari zuzendutako baliabideak areagotu ere.

Azterlana deskargatu

Buru gaixotasuna duten emakumeen aurkako indarkeriari buruzko ikerketa

fedeafes — Wed, 27 Dec 2017 14:06:11 +0000

Buru Gaixotasuna duten Pertsona eta Senide Elkarteen Euskadiko Federazioak (FEDEAFES) burututako ikerketa honek buru gaixotasuna duten emakumeek jasaten duten indarkeriaren errealitatea erakusten digu. Azterlanaren abiapuntua buruko nahasmendua duten eta biolentzia bizi duten emakumeen esperientzia da, baita emakume horiek instituzioetatik jasotzen duten erantzunaren balorazioa egiten duten profesionalen iritzia ere.

Azterlana deskargatu

Buru gaixotasuna duten emakumeen aurkako indarkeriari buruzko ikerketaren gidaliburua

fedeafes — Wed, 14 Jun 2017 09:53:47 +0000

2015 eta 2016 urteetan landutako azterlan honek buru gaixotasun larria duten emakumeen errealitatea jartzen du agerian. Izan ere, emakume horiek bikotekidearengandik edo bikotekide ohiarengandik biolentzia jasateko aukera bikoitza edo laukoitza dute, baita familiartean indarkeria jasateko eta sexu bortizkeria pairatzeko aukera handiagoa ere. Ikerketaren dokumentuan biolentzia sufritzeko faktore eragileak eta indarkeria saihesteko proposamenak jasotzen dira.

GIDA – Buru gaixotasuna duten emakumeen aurkako indarkeriari buruzko ikerketa

Buru gaixotasuna duten emakumeek jasaten duten indarkeria hautemateko, prebenitzeko eta sentsibilizatzeko tresna

fedeafes — Fri, 25 Nov 2016 11:24:27 +0000

Buru gaixotasuna duten emakumeek jasaten duten indarkeriari buruzko ikerketa landu du Fedeafesek.

Azterlanaren 1. faseko ondorioak kontsultatu

(Español) Conclusiones y recomendaciones del estudio ‘Diagnóstico sobre la situación frente a la igualdad de mujeres y hombres en Fedeafes’

fedeafes — Mon, 09 Mar 2015 12:16:37 +0000

‘Fedeafeseko emakume eta gizonek parekidetasunaren aurrean duten egoeraren diagnostikoa’ azterlanaren ondorioak eta aholkuak (Laburpena).

Liburuxka deskargatu

Triptikoa: buru osasunaren inguruko mitoak apurtu

fedeafes — Tue, 13 Jan 2015 13:31:03 +0000

Buru osasunaren inguruko mitoak apurtzeko triptikoa landu dugu. Bertan, estigmaren arrazoiak, ondorioak eta berau gainditzeko proposamenak jaso ditugu. Fedeafesek eta bere elkarteek landutako ‘EAEn buru-gaixotasuna duten pertsonen estigma sozialaren errealitatea’ azterlanean oinarritutako liburuxka.

Triptikoa deskargatu

Triptikoa: buru gaixotasuna duten emakumeen jabekuntza

fedeafes — Tue, 13 Jan 2015 11:18:13 +0000

Fedeafesek eta bere baitan dauden elkarteek buru gaixotasuna duten emakumeen jabekuntzari buruz landutako triptikoa.

Triptikoa deskargatu

‘Buru gaixotasuna duten emakumeak eta genero-indarkeria’ triptikoa

fedeafes — Wed, 26 Nov 2014 12:19:21 +0000

Fedeafesek eta bere baitan dauden elkarteek ‘Buru gaixotasuna duten emakumeak eta genero-indarkeria’ triptikoa landu dute, bereziki kaltebera den kolektibo honen errelatitatea ezagutaraztera emateko helburuarekin.

Triptikoa deskargatu

Estigma sozialaren errealitatea EAEn buru gaixotasuna duten pertsonen artean

fedeafes — Fri, 14 Mar 2014 10:08:46 +0000

FEDEAFESek (Buru Gaixotasuna duten Pertsona eta Senide Elkarteen Euskadiko Federazioak), Eusko Jaurlaritzaren eta federazioaren baitako elkarteen laguntzaz (AGIFES, ASASAM, ASAFES eta AVIFES), Euskadin buru-gaixotasuna duten pertsonen estigma sozialari buruzko ikerketa egin du 2012an. Horren helburua da pertsona horiek gizarteratzea eta komunitatean parte hartze normalizatua izatea; eta buru-gaixotasuna duten pertsonen eta haien senideen eguneroko bizitzan estigma sozialak dituen ondorioak nabarmentzea, bizi-kalitatearen hainbat dimentsiotan eta komunitatearen parte hartzerako eta garapenerako esparru guztietan. Egoera hori gainditzeko jarduteko proposamenak ere eskaintzen ditu azterlanak. Ikerketa egiteko 200 pertsona inguruk hartu dute, buru-gaixotasuna duten pertsonek, senideek eta hainbat sektoretako profesionalek.

Azterlanaren laburpena deskargatu

Azterlana deskargatu

Buru Osasunaren Munduko Eguneko aldarrikapenak (2013)

fedeafes — Thu, 10 Oct 2013 12:24:50 +0000

‘Defenda ditzagun gure eskubideak’ lelopean eta Buru Osasunaren Munduko Egunaren harira, aldarrikapen jakin batzuk egin ditugu Fedeafesetik eta buru gaixotasuna duten pertsonak errespetatu eta babesteko neurriak proposatu ditugu. Dokumentua irakurri.

Autonomia-erkidegoetan Buru Osasunari ematen dioten arretaren egoerari buruzko txostena

fedeafes — Sun, 29 Sep 2013 08:46:21 +0000

2002an, buru osasunari buruzko informazio sistemen gabeziaren aurrean, Espainiako Neuropsikiatria Elkarteak Buru Osasunaren Behatokia martxan jartzea erabaki zuen. Entitate horren helburua da aldian-aldian, inkesta bidez, autonomia-erkidegoetako osasun mentaleko sistemen informazioa jasotzea, eta horien garapenaren jarraipena egitea. Azken txostenak honek 2010eko datuak aurkezten ditu.

Txostena deskargatu